Fluch en floeiend
Fiel it ferskil dat tûkere koade mooglik makket! Ynteraksjes mei jo berjochtelist binne flugger, de e-mailromte is reagearret better, en Thunderbird is stabiler en mear betrouber.
Kaartenwerjefte
It bywurke ûntwerp makket it scannen fan jo e-mailberjochten flugger, mei in oantrekliker yndieling en in ferbettere diskusjeûnderfining. Plus, de hichte fan e-mailkaarten past automatysk oan op basis fan jo ynstellingen, sadat alles der krekt goed útsjocht.
Aksintkleuren
Ferbettere temakompatibiliteit, foaral foar Linux-brûkers op Ubuntu en Mint. Jo Thunderbird sil better minge mei jo buroblêdomjouwing, en sil naadleas oerienkomme mei de aksintkleuren fan it systeem.
Mappefinster
In bondel ferbetteringen, ynklusyf flugger werjaan en sykjen fan gearfoege mappen, seleksjemooglikheden foar meardere mappen, en in better oproppen fan pertearstatussen.
Rust-revolúsje
Wy hawwe grutte blokkaden oerwûn om Rust yn Thunderbird te bringen. Dit makket it paad foar bettere koade, dielde funksjes tusken buroblêd en mobyl, en fluggere ûntwikkeltiid. It is in fûnemintele ferbettering foar ús ûntwikkelers en foar ús brûkers.
Ynboude Windows-notifikaasjes
Fêst en folslein funksjoneel! Troch op in notifikaasje te klikken, wurdt dizze fuortsmiten, komt Thunderbird op de foargrûn en selektearret it berjocht. Notifikaasjes ferdwine no as Thunderbird slute.
Ferbetteringen yn it kontekstmenu
Reorganisearre foar in soepeler ûnderfining, mei primêre aksjes no as piktogrammen foar flugge tagong.
Accountkleuroanpassingen
Nei in protte oanfragen kinne jo no de kleur fan jo accountpiktogrammen oanpasse. Dizze kleuren ferskine ek by it selektearjen fan ‘Fan’ by it opstellen fan e-mailberjochten.
‘Nebula’ makket in e-mailûnderfining mooglik dy’t helderder is as ea. Ferwacht de kommende moannen mear fernijingen en handige nije funksjes.