სწრაფი და მოქნილი
იგრძენით გონივრული კოდით შექმნილი სხვაობა! თქვენს წერილებთან ურთიერთქმედება მეტად სწრაფია, ელფოსტის სივრცე მეტად მოქნილია და Thunderbird მეტად მდგრადი და საიმედოა.
საბარათო ხედი
განახლებული იერსახით უფრო სწრაფად შეძლებთ ელფოსტის წერილების გადაკითხვას მეტად მიმზიდველი განლაგებითა და მიმოწერის დანაწევრებულად ჩვენების შესაძლებლობით. გარდა ამისა, ელფოსტის ბარათების სიმაღლე თავისთავად მოერგება თქვენს პარამეტრებს, რომ ყველაფერი სათანადოდ გამოიყურებოდეს.
შეფერილობა
გაუმჯობესებული თავსებადობა გაფორმებებთან, განსაკუთრებით Linux-ის მომხმარებლებისთვის Ubuntu-სა და Mint-ზე. თქვენი Thunderbird უკეთ მოერგება თქვენს სამუშაო გარსს სისტემის ფერებთან სრული შეხამებით.
საქაღალდის არე
არაერთი სახის გაუმჯობესება მოიცავს ერთიანი საქაღალდეების სწრაფ მოძიებასა და გამოსახვას, მრავალი საქაღალდის შერჩევის შესაძლებლობასა და მიმოწერის მდგომარეობის უკეთ დაბრუნებას.
Rust-გადატრიალება
არაერთი დაბრკოლება გადავლახეთ, რომ Rust შემოგვეტანა Thunderbird-ში. ეს კი გზას უხსნის გაუმჯობესებულ კოდს, კომპიუტერსა და მობილურს შორის შესაძლებლობების გაზიარებას, აგრეთვე შემუშავების საგრძნობლად ასწრაფებას. გარდამტეხი იქნება როგორც ჩვენი შემმუშავებლებისთვის, ასევე მომხმარებლებისთვის.
Windows-ის თანმომყოლი შეტყობინებები
გამოსწორებული და სრულყოფილად მომუშავე! შეტყობინება დაწკაპებისას გაქრება, წინ გამოჩნდება Thunderbird და მოინიშნება წერილი. შეტყობინებები ახლა უკვე ქრება, როცა Thunderbird დაიხურება.
მარჯვენა წკაპის მენიუს გაუმჯობესება
ახლებურად დალაგებული მოხერხებული მუშაობისთვის, მთავარი მოქმედებები უკვე ხატულების სახითაა სწრაფი წვდომისთვის.
ანგარიშის ფერის მორგება
მაღალი მოთხოვნიდან გამომდინარე ახლა უკვე შეგიძლიათ თქვენი ანგარიშის ხატულების ფერის შეცვლა. ეს ფერები გამოჩნდება „გამგზავნის“ არეშიც წერილების შედგენისას.
„Nebula“ ელფოსტით სარგებლობას ხდის არნახულად შთამბეჭდავსა და მიმზიდველს. ელოდეთ მეტ სიახლესა და გამოსადეგ შესაძლებლობას, მომავალ თვეებში რომ გამოჩნდება.