გაიცანით Thunderbird
Thunderbird უფასო და ღია წყაროს მქონე პროგრამაა, რომელიც დაარსდა 2003 წელს ურთიერთკავშირისა და თანამშრომლობის გასაუმჯობესებლად. ჩვენი საყრდენია ნიჭიერება და დიდსულოვნება ათასობით ცალკეული პირისა თუ Mozilla-ს ოჯახის მონაწილეებისა. არსებითი ღირებულებებია, რაც წარმართავს ჩვენს საქმიანობას და ხდის მას მეტად მნიშვნელოვანს. განაგრძეთ უფრო ვრცლად გასაცნობად.
ღირებულებები
ერთობა
დაწესებულება
მართული მხოლოდ ღირებულებებით

პირადულობა
თქვენ არ წარმოადგენთ ვინმეს პროდუქტს.
მიგვაჩნია, რომ თქვენი მონაცემების საკუთრების უფლება და პირადულობა ხელშეუხებელია, სადაც არ უნდა ცხოვრობდეთ. ჩვენი ვალდებულება თქვენს პირად მონაცემებთან შეხებისას მარტივია:
- არ ვაგროვებთ და არ ვინახავთ, თავად თუ არ ისურვებთ.
- დიდი მზრუნველობითა და სიფრთხილით ვიცავთ არასათანადო გამოყენებისგან.
- არასდროს ვვაჭრობთ მისით.
- თავად ინარჩუნებთ მისი განკარგვისა და მართვის სადავეებს.

თავისუფლება
Thunderbird გეკუთვნით თქვენ (და მსოფლიოს).
Thunderbird უფასო და ღია წყაროს მქონეა, ანუ თავისუფლად შეიძლება მისი კოდის ნახვა, ჩასწორება, გამოყენება და გაზიარება. თავისივე ლიცენზია უზრუნველყოფს, რომ დარჩეს მუდამ თავისუფალი. Thunderbird შეგიძლიათ მიიჩნიოთ მოძღვნილ საჩუქრად ათასობით შემომწირველის მიერ.
ვრცლად იხილეთ MPL 2.0
ხმა
თქვენ შეგიძლიათ Thunderbird-ის მომავლის შექმნა.
Thunderbird თავისუფალია მოგების მიღებისა და სხვა მსგავსი წამქეზებელი საშუალებებისგან, რომლებიც ხშირად წარმართავს ხოლმე პროგრამული უზრუნველყოფის შემუშავებას. ნებისმიერს შეუძლია ჩაერთოს და განავითაროს Thunderbird ან მეტად გაავრცელოს ხალხში. მოხალისეების მიერ არჩეული წარმომადგენლობა უზრუნველყოფს, რომ Thunderbird დარჩეს თავისი ღირებულებებისა და მიზნის ერთგული.
მართული ხალხის ერთობით
ყველას აქვს საშუალება დაგვეხმაროს, რომ განვავითაროთ Thunderbird. პროგრამისტებს შეუძლიათ მათთვის მეტად სასურველი შესაძლებლობის დამატება ან არსებული კოდის დახვეწა. მრავალენოვან ხალხს შეუძლია Thunderbird გახადოს საყოველთაოდ ხელმისაწვდომი. მსურველებს შეუძლიათ მოსინჯონ ახალი Thunderbird და აღნუსხონ ხარვეზები. მრავალი გზაა, გახდეთ იმ წარმატებული ერთობის ნაწილი, რომელიც ხდის Thunderbird-ის მეტად გამორჩეულს. თუ არ გაქვთ დრო მოხალისეობისთვის, შეგიძლიათ თანხით შეგვეწიოთ საქმიანობის დაფინანსებისთვის.
იხილეთ, როგორ შეგიძლიათ ჩაერთოთ
ნაწილი Mozilla-ოჯახისა
Thunderbird წარმოადგენს დამოუკიდებელ, არამომგებიან შვილობილს Mozilla-ფონდისგან. ამგვარი დანაწილება მეტი მოქნილობის საშუალებას იძლევა დამატებითი ფასიანი მომსახურებების შემოთავაზებისას Thunderbird-ის სამომავლო განვითარების მდგრადი შენარჩუნებისთვის.
ჩვენ გვყავს მზარდი გუნდი ნიჭიერი თანამშრომლებისა, რომლებიც ავითარებენ და ინარჩუნებენ Thunderbird-ს ჩვენს ერთობასთან და მოკავშირეებთან შეთანხმებული საქმიანობით, ამასთანავე ზრუნავენ, რომ Thunderbird მიეწოდოს მომხმარებლებს მთელ მსოფლიოში.

Lisa McCormack

Ryan Sipes

Alessandro Castellani

Andrei Hajdukewycz

Alejandro Aspinwall

Alex Schmitz

Anthony Macchia

Ben Campbell

Brendan Abolivier

Chris Aquino

Corey Bryant

Daniel Darnell

Geoff Lankow

Heather Ellsworth

John Bieling

Kai Engert

Kelly McSweeney

Laurel Terlesky

Magnus Melin

Malini Das

Margaret Baker

Martin Giger

Melissa Autumn

Monica Ayhens-Madon

Natalie Ivanova

Philipp Kewisch

Rob Lemley

Rob Wood

Roland Tanglao

Ryan Jung

Sarah Regenspan

Solange Valverde

Tarandeep Kaur

Toby Pilling

Vineet Deo

Wayne Mery
