გვესაჭიროება თქვენი უნარები
ყველას შეუძლია წვლილის შეტანა. იხილეთ გზები, როგორ შეგიძლიათ დახმარება.
მოხალისეების მხარდაჭერით იქმნება Thunderbird და უზრუნველყოფილია მისი ხელმისაწვდომობა ათეულობით ენაზე მთელ მსოფლიოში. სწორედ ისინი ადგენენ ცნობარებს და პასუხს სცემენ კითხვებს, რაც ეხმარება რიგით მომხმარებლებს, იოლად გამოიყენონ Thunderbird.
კოდის წერა
თუ გაქვთ დაპროგრამების გამოცდილება, უამრავი გზაა Thunderbird-პროექტში წვლილის შეტანის. დაიწყეთ იმ საქმის გამონახვით, რომელშიც ყველაზე მეტი გამოცდილება გაქვთ, ყველაზე მეტად გაინტერესებთ და მიჰყევით ნაბიჯებს:
შემოწმება
ერთობის წევრების მიერ უამრავი განსხვავებული მოწყობილობითა თუ სამუშაო გარემოთი წინასწარი გამოშვების Thunderbird-ის მოსინჯვას გადამწყვეტი მნიშვნელობა ენიჭება პროგრამის ხარისხის უზრუნველსაყოფად. თანაც, ამით გვეხმარებით ხარვეზების გამოვლენაში მანამ, სანამ ფართო საზოგადოებამდე მიაღწევს!
კომპიუტერზე:
- გაეცანით Beta-შემოწმებას
- ხარვეზების მოხსენება
Android-ზე:
- გაეცანით Beta-შემოწმებას
- ხარვეზების მოხსენება
თარგმნა
მთელი მსოფლიო იმსახურებს თავისუფალ და ღია წყაროს მქონე პროგრამას, შესაბამისად, Thunderbird ამჟამად 50-ზე მეტ ენაზეა ნათარგმნი! შემოგვაშველეთ მრავალენოვნობის ნიჭი, რომ Thunderbird გახდეს უფრო ფართოდ და არნახულად ხელმისაწვდომი.
მხარდაჭერა
დიდი ხანია, გიყენიათ Thunderbird და გამოცდილი მომხმარებელი ხართ, რომელსაც უყვარს სხვებისთვის დახმარების ხელის გაწოდება? გახდით ჩვენი მხარდაჭერის გუნდის წევრი და მოახმარეთ თქვენი ცოდნა მომხმარებლებს მთელი მსოფლიოდან, რომელთაც კითხვები ებადებათ Thunderbird-ით სარგებლობისას.
შეგიძლიათ შემოუერთდეთ ჩვენს ერთობას Thunderbird-ის მხარდაჭერის Matrix-ჯგუფში მომხმარებლების მხარდასაჭერად.
მასალები
დაგვეხმარეთ, რომ პასუხები დაიწეროს კითხვის დასმამდე! შესაძლებლობებისა და API-ების მასალების შედგენით დაწყებული, მომხმარებლების მხარდასაჭერ ხშირად დასმულ კითხვებზე პასუხით დამთავრებული, გააზიარეთ თქვენი ცოდნა და წერის უნარები მთელი Thunderbird-საზოგადოების სასარგებლოდ.
გავრცელება
გამოქომაგება ერთ-ერთი უადვილესი გზაა Thunderbird-ში წვლილის შესატანად! მოიწონეთ და გაავრცელეთ ჩვენი წერილები Mastodon-ზე, გააცანით პროგრამა მეგობრებს, ხმა მიეცით გამოსადეგ პასუხებს Reddit-ზე; ყველაფერი, რაც გაზრდის ჩვენ მიმართ ყურადღებას, მეტად დაგვეხმარება. აქვეა მოცემული, თუ როგორ უნდა გვიპოვოთ სხვადასხვა სოცქსელში და როგორ შემოგვიერთდეთ.
იერსახე
წვლილის შეტანის კიდევ ერთი გზაა, გაგვიზიაროთ მოსაზრებები, საჭიროებები და გამოგვეხმაუროთ. Thunderbird თქვენია და მუდამ მზად ვართ, მოგისმინოთ.
Mozilla Connectმოხალისეთა შთაბეჭდილებები
გზები და მიზეზები ჩართულობისთვის ისეთივე მრავალფეროვანია, როგორც თავად ხალხი.
ჩვენი მოხალისეები, განსხვავებული წარმომავლობითა და მახასიათებლებით, გამორჩეული ნიჭიერებით გვამარაგებენ. სწორედ ისინი ავითარებენ Thunderbird-ს თავიანთი თავისთვისაც და დანარჩენი მსოფლიოსთვისაც. თქვენც შეგიძლიათ შეუერთდეთ.
Thunderbird ღია წყაროს ერთობის ძალის ნათელი გამოვლინებაა სიახლეების დანერგვისა თუ შედეგიანობის ზრდის საქმეში.
თუ თავად არც არაფერს გაიღებთ, ვერ დაიჩივლებთ, რატომ არ მიდის საქმე სასურველი გზით.
საოცარი შეგრძნებაა, როცა ახერხებ პროგრამის დახვეწას იმ წვრილმანის გამოსწორებით, რომელიც ხელს გიშლის შენც და სხვა მომხმარებლებსაც
ჩემი მოხალისეობრივი საქმე გულისხმობს საცდელი Beta-ვერსიის აწყობისთანავე მოხმარებას, ნაპოვნი ხარვეზების მოხსენებასა და მოგვარებულის შემოწმებას.
მე, როგორც მოხალისე, ვცდილობ დავეხმარო სხვებს Thunderbird-ის მხარდაჭერის ფორუმში, რასაც ჩემთვისაც მეტად სარგებლის მომტანად მივიჩნევ.
თარგმნით წვლილის შეტანა იმ მოტივით დავიწყე, რომ ჩემს ენაზე მოსაუბრე ხალხი იმსახურებდა მშობლიურ ენაზე მიეღო მომსახურება.
თავად შექმენით მომავალი
გააუმჯობესეთ პროგრამა და ცხოვრება მოხალისეობით.
ააწყვეთ ხელსაწყოები სურვილისამებრ გამოყენებისთვის. დაეხმარეთ სხვებს, მოიძიონ და ისარგებლონ პროგრამით, რომელიც პატივს სცემს მათ პირადულობასა და თავისუფლებას. წვლილი შეიტანეთ უკეთესი მომავლის ჩამოყალიბებაში თქვენთვისაც და სხვებისთვისაც საკუთარი უნარების Thunderbird-ისთვის მოხმარებით.
