Bëhuni një Përkrahës
Ndihmoni të përmirësojmë Thunderbird-in.
MZLA Technologies Corporation është enti fitimprurës që mbështet misionin për software të lirë të Thunderbird-it. Puna jonë është të japin aplikacione burimi të hapët që janë të siguruar, private dhe të përdorshme nga përdorues anembanë botës. Përkrahja juaj na ndihmon të:
- Të zhvillojmë aplikacione, integrime dhe veçori të reja
- Të përmirësojmë ndërfaqen, shpejtësinë dhe qëndrueshmërinë
- Të promovojmë Thunderbird-in dhe lirinë e software-it
- Të shërbejmë çdo vit miliona shkarkime falas aplikacioni
Nuk zbritet nga taksat, si një dhurime bamirësie
Pyetje të Bëra Rëndom
Lidhuni me ne
Pyetje rreth dhurimit? Shihni më poshtë përgjigje të rëndomta. Nëse ende ju duhet ndihmë me dhurimin, ju lutemi, lidhuni me ne përmes këtij formulari.
Dëshironi të jepni mendime mbi produktin? Kaloni te Mozilla Connect.
Ju duhet asistencë produkti apo teknike? Vizitoni bazën tonë të dijes dhe forumin e asistencës nga bashkësia.
Cilat janë rrugët nëpërmjet të cilave mund të dhuroj?
Mundeni të dhuroni në internet në mënyrë të siguruar duke përdorur kartë krediti, ose PayPal, Google Pay, Apple Pay, si dhe dërgesa bankare përmes SEPA, iDEAL dhe ACH.
Jepni në monedhën tuaj vendore! Pranojmë mbi 100 të tilla! Zgjidheni që nga menuja hapmbyll në krah të ‘Sasi’.
Jashtë interneti mund të dhuroni vetëm në dollarë amerikanë duke na dërguar një çek, ose mandatpagesë të pagueshëm për "MZLA Technologies Corp". Dërgojeni te:
- MZLA
- PO Box 25718
- Pasadena CA 91185-5718
Ju lutemi, përfshini adresën tuaj email te rreshti memo i çekut tuaj, që të na ndihmoni të ndjekin dhe atribuojmë dhuratën tuaj. Dëftesa pranimi mund të dërgojmë vetëm me email.
Dhuroni kohë nga e juaja! Nëse do të donit të mësoni se si të jepni ndihmesë në Thunderbird në rrugë të tjera si kodim, përkthim apo testim, ju lutemi, vizitoni faqen tonë Merrni pjesë.
Si mund ta anuloj, apo ta ndryshoj dhurimin tim ripërsëritës? A mund të ndryshoj metodë pagese, apo shpeshti dhurimi?
Shihni hollësi të planit tuaj që nga Portali i Dhuruesve, ose përmes butonin “Administrim i Dhurimit Tim” te email-i i ripohimit të dhurimit tuaj të fundit. Mund të ndryshoni sasinë, shpeshtinë, metodën e pagesës dhe datën e faturimit. Mundeni edhe të anuloni planin tuaj ripërsëritës dhe të shkarkoni faturat tuaja.
A përfitoj prej dhuratës time asistencë teknike?
Krejt asistenca teknike në Thunderbird është me bazë bashkësinë dhe e passhme nga cilido. Vizitoni forumin tonë të asistencës. Nuk japim asistencë teknike individuale në shkëmbim dhuratash financiare.
Si të marr një faturë?
Do të merrni një ripohim me email kurdo që dhuroni dhe kjo do të përfshijë një faturë për arkivin tuaj. Mundeni edhe të shihni historikun e faturave tuaj në çfarëdo kohe, që nga Portali ynë i Dhuruesve.
A kam zbritje në tatim nga dhurata ime?
Dhuratat për Thunderbird-it nuk zbriten nga taksat si dhurata bamirësie, por janë fort të mirëpritura!
Dhurimi për Thunderbird-in mbështet zhvillimin e aplikacioneve me burim të hapët që janë të siguruara, private dhe të passhme nga përdorues anembanë botës. Përkrahja juaj garanton gjithashtu se aplikacionet tona bazë mbeten të lira për këdo.
Pse ju duhet adresa ime që të kryhet dhënia e një dhurate?
E kuptojmë se privatësia juaj është shumë e rëndësishme -- pajtohemi në këtë pikë dhe kjo është një vlerë thelbësore e jona në Thunderbird dhe Mozilla. Adresa juaj është pjesë e informacionit tonë “Payment Processing, Contact and Donation Information” që e shpalosim te Rregullat tona të Privatësisë. Këto të dhëna përdoren për kryerjen e pagesës, fatura transaksionesh, pikasje mashtrimesh dhe për qëllime mbajtjeje regjistrimesh. Nëse doni të dini më tepër rreth të dhënash informacioni personal që marrim, shitës palë të treta që besojmë dhe se për sa kohë i mbajmë të dhënat tuaja, ju lutemi, shihni te Sajtet tona, Komunikim & Shënim Mbi Privatësinë.
Si ta çaktivizoj mesazhin për dhurime te faqja e fillimit të Thunderbird-it?
Që të mësoni se si të përshtatni faqen tuaj të fillimit, ju lutemi, vizitoni:
https://support.mozilla.org/kb/how-disable-or-change-thunderbird-start-page
Si mund të marr një dëftesë biznesi?
Kur dhuroni përmes formularit tonë në internet, thjesht i vini shenjë kutizës “Dhuroni si një Ent” dhe përfshini emrin e shoqërisë tuaj. Fatura për transaksionin tuaj do të përfshijë emrin e shoqërisë tuaj. Nëse ju duhet një kopje e faturës tuaj, shkarkojeni që nga Portali ynë i Dhuruesve.
A është i siguruar dhurimi im?
Po, përdorim teknologji SSL sipas standardesh të industrisë përkatëse, për të mbajtur të parrezik hollësitë tuaja. Punojmë tok me Stripe-in, përpunuesi i afirmuar i industrisë, i besuar nga disa prej shoqërive më të mëdha të botës. Hollësitë tuaja financiare me spec nuk prekin kurrë shërbyesit tanë. Tërë të dhënat i dërgojmë drejt e te shërbyesit e Stripe-it, që janë në pajtim me standardet PCI, përmes SSL-je. E kuptojmë që privatësia juaj është shumë e rëndësishme. Për hollësi të plota, ju lutemi, shihni Rregulla Privatësie të Mozilla-s.
A mund të kërkoj kthim parash?
Për dhurimin tuaj mund të ketë vend rimbursim. Duhet të lidheni me ne brenda 15 ditësh nga data e pagesës. Nëse besoni se kjo pagesë qe bërë pa autorizimin tuaj, ju lutemi, lidhuni menjëherë me ne. Për dhurime të bëra përmes debiti të drejtpërdrejtë ACH ose SEPA s’mund të ketë rimbursime. Për shkak të natyrës së këtyre transaksioneve, politika jonë i jep përparësi minimizimit të rimbursimeve të rreme. E çmojmë mirëkuptimin tuaj. Nëse ju duhet asistencë, ju lutemi, lidhuni me ne.
A ka tarifa shtesë mbi dhurimin tim?
S’grumbullojmë ndonjë tarifë apo taksa shtesë. Kur dhuroni në monedhën tuaj vendore, nga karta juaj e kreditit nuk ju aplikohet ndonjë tarifë shndërrimi monedhash. Mund të zgjidhni edhe t’i mbuloni ju kostot e përpunimit të pagesës për transaksionin. Kjo është tërësisht vullnetare dhe mund të zgjidhni ta bëni ose jo, duke përdorur kutizën te formulari ynë i dhurimeve. Enti ynë e ka bazën në Shtetet e Bashkuara. Ne i nxisim dhuruesit të studiojnë çfarëdo taksash të jashtme shtesë, apo tarifa që mund të aplikohen nga rregullatorët, b.f., nga banka juaj, apo autoritetet tatimore.
Çfarë mbulojnë kostot e transaksionit?
Kur zgjidhni të mbuloni kostot tona për pagesën e transaksionit, mbuloni tarifa si të përpunimit prej nesh, ashtu edhe tarifa platforme dhurimi. Kostot përshoqëruar sistemit tonë të fuqishëm të dhurimeve në internet na lejojnë të përshkallëzojmë vazhdueshmërinë, dora-dorës që shtohet baza e përkrahësve tanë. Platforma jonë e dhurimeve dhe partnerët e përpunimit të pagesave ulin kosto të brendshme të lidhura me mirëmbajtjen e sistemit tonë që nga hiçi. Partnerët tanë garantojnë të mund të pranojmë një gamë të gjerë monedhash/metodash pagimi dhe të jemi në pajtim me PCI në krejt vendet prej nga pranojmë dhurime. Kostot e transaksioneve që mund të zgjidhni për të mbuluar bazohen në një vlerësim të kostove tona në përgjithësi. Për shkak të mjaft faktorëve kostot faktike mund të jenë të larmishme.
Pse dhurimet një herësh shfaqen si ripërsëritëse te mandatet SEPA?
Kur bëhet një dhuratë një here, përmes debitimi të drejtpërdrejtë SEPA, mund të vini re një përmendje transaksionesh ripërsëritëse. Kjo ndodh ngaqë përpunuesi ynë i pagesave, Stripe-i, mbulon vetëm transaksione ripërsëritëse, për këtë lloj pagesash. Pavarësisht nga kjo, do t’ju faturojmë vetëm një herë dhe, pa autorizimin tuaj, s’do të bëjmë pagesa të tjera në llogarinë tuaj. Në vijim të mandatit, do të merrni një fatura zyrtare dhurimi, e cila do të pasqyrojë qartazi dhurimin një herësh.
A mund të dhuroj në kriptomonedha?
Jo. Aktualisht nuk pranojmë dhurime në kriptomonedha.
Përse do të përdoret dhurata im?
Thunderbird-i është aplikacioni kryesues ndërplatformësh, me burim të hapët, për email dhe prodhimtari, që është falas për biznese dhe përdorim personal. Dhurata juaj do të na ndihmojë të garantohet që të mbetet i tillë dhe do të mbështetë zhvillimin e tij të vazhdueshëm.
Ç’marrëdhënie ka Thunderbird-i me MZLA Technologies Corporation?
MZLA Technologies Corporation është një nëndegë e Mozilla Foundation, në pronësi të plotë dhe fitimprurëse dhe shtëpia e Thinderbird-it.
A nuk fiton për vete Thunderbird-i?
Aktualisht, gati 100% e të ardhurave për funksionimin e Thunderbird-it vijnë nga dhurata bujare prej përdoruesish të tij.
Bëhuni një Sponsor Në Shkallë Korporate
Siguroni një të ardhme të hapët për veten dhe botën.
Ente që instalojnë Thunderbird-in në shkallë të gjerë, ose që ndajnë pasionin tonë për të zgjeruar liritë dixhitale, mund të sjellin një ndryshim duke u bërë mbështetës në shkallë korporate me dhurim një here, ose ripërsëritës. Kontribute të madhësisë së mesme ose të vogël mund të bëhen me formularin më sipër. Për kontribute më të mëdhenj se 5000 dollarë amerikanë, ju lutemi, lidhuni me ekipin tonë të biznesit. Faleminderit paraprakisht për përkrahjen tuaj bujare!
