Dhuroni

Pyetje rreth dhurimit? Shihni më poshtë përgjigje të rëndomta. Nëse ende ju duhet ndihmë me dhurimin, ju lutemi, lidhuni me ne përmes këtij formulari.
Dëshironi të jepni mendime mbi produktin? Kaloni te Mozilla Connect.
Ju duhet asistencë produkti apo teknike? Vizitoni bazën tonë të dijes dhe forumin e asistencës nga bashkësia.

Shihni hollësi të planit tuaj që nga Portali i Dhuruesve, ose përmes butonin “Administrim i Dhurimit Tim” te email-i i ripohimit të dhurimit tuaj të fundit. Mund të ndryshoni sasinë, shpeshtinë, metodën e pagesës dhe datën e faturimit. Mundeni edhe të anuloni planin tuaj ripërsëritës dhe të shkarkoni faturat tuaja.

Krejt asistenca teknike në Thunderbird është me bazë bashkësinë dhe e passhme nga cilido. Vizitoni forumin tonë të asistencës. Nuk japim asistencë teknike individuale në shkëmbim dhuratash financiare.

Do të merrni një ripohim me email kurdo që dhuroni dhe kjo do të përfshijë një faturë për arkivin tuaj. Mundeni edhe të shihni historikun e faturave tuaj në çfarëdo kohe, që nga Portali ynë i Dhuruesve.

Dhuratat për Thunderbird-it nuk zbriten nga taksat si dhurata bamirësie, por janë fort të mirëpritura!
Dhurimi për Thunderbird-in mbështet zhvillimin e aplikacioneve me burim të hapët që janë të siguruara, private dhe të passhme nga përdorues anembanë botës. Përkrahja juaj garanton gjithashtu se aplikacionet tona bazë mbeten të lira për këdo.

E kuptojmë se privatësia juaj është shumë e rëndësishme -- pajtohemi në këtë pikë dhe kjo është një vlerë thelbësore e jona në Thunderbird dhe Mozilla. Adresa juaj është pjesë e informacionit tonë “Payment Processing, Contact and Donation Information” që e shpalosim te Rregullat tona të Privatësisë. Këto të dhëna përdoren për kryerjen e pagesës, fatura transaksionesh, pikasje mashtrimesh dhe për qëllime mbajtjeje regjistrimesh. Nëse doni të dini më tepër rreth të dhënash informacioni personal që marrim, shitës palë të treta që besojmë dhe se për sa kohë i mbajmë të dhënat tuaja, ju lutemi, shihni te Sajtet tona, Komunikim & Shënim Mbi Privatësinë.

Që të mësoni se si të përshtatni faqen tuaj të fillimit, ju lutemi, vizitoni:
https://support.mozilla.org/kb/how-disable-or-change-thunderbird-start-page

Kur dhuroni përmes formularit tonë në internet, thjesht i vini shenjë kutizës “Dhuroni si një Ent” dhe përfshini emrin e shoqërisë tuaj. Fatura për transaksionin tuaj do të përfshijë emrin e shoqërisë tuaj. Nëse ju duhet një kopje e faturës tuaj, shkarkojeni që nga Portali ynë i Dhuruesve.

Po, përdorim teknologji SSL sipas standardesh të industrisë përkatëse, për të mbajtur të parrezik hollësitë tuaja. Punojmë tok me Stripe-in, përpunuesi i afirmuar i industrisë, i besuar nga disa prej shoqërive më të mëdha të botës. Hollësitë tuaja financiare me spec nuk prekin kurrë shërbyesit tanë. Tërë të dhënat i dërgojmë drejt e te shërbyesit e Stripe-it, që janë në pajtim me standardet PCI, përmes SSL-je. E kuptojmë që privatësia juaj është shumë e rëndësishme. Për hollësi të plota, ju lutemi, shihni Rregulla Privatësie të Mozilla-s.

Për dhurimin tuaj mund të ketë vend rimbursim. Duhet të lidheni me ne brenda 15 ditësh nga data e pagesës. Nëse besoni se kjo pagesë qe bërë pa autorizimin tuaj, ju lutemi, lidhuni menjëherë me ne. Për dhurime të bëra përmes debiti të drejtpërdrejtë ACH ose SEPA s’mund të ketë rimbursime. Për shkak të natyrës së këtyre transaksioneve, politika jonë i jep përparësi minimizimit të rimbursimeve të rreme. E çmojmë mirëkuptimin tuaj. Nëse ju duhet asistencë, ju lutemi, lidhuni me ne.

S’grumbullojmë ndonjë tarifë apo taksa shtesë. Kur dhuroni në monedhën tuaj vendore, nga karta juaj e kreditit nuk ju aplikohet ndonjë tarifë shndërrimi monedhash. Mund të zgjidhni edhe t’i mbuloni ju kostot e përpunimit të pagesës për transaksionin. Kjo është tërësisht vullnetare dhe mund të zgjidhni ta bëni ose jo, duke përdorur kutizën te formulari ynë i dhurimeve. Enti ynë e ka bazën në Shtetet e Bashkuara. Ne i nxisim dhuruesit të studiojnë çfarëdo taksash të jashtme shtesë, apo tarifa që mund të aplikohen nga rregullatorët, b.f., nga banka juaj, apo autoritetet tatimore.

Kur zgjidhni të mbuloni kostot tona për pagesën e transaksionit, mbuloni tarifa si të përpunimit prej nesh, ashtu edhe tarifa platforme dhurimi. Kostot përshoqëruar sistemit tonë të fuqishëm të dhurimeve në internet na lejojnë të përshkallëzojmë vazhdueshmërinë, dora-dorës që shtohet baza e përkrahësve tanë. Platforma jonë e dhurimeve dhe partnerët e përpunimit të pagesave ulin kosto të brendshme të lidhura me mirëmbajtjen e sistemit tonë që nga hiçi. Partnerët tanë garantojnë të mund të pranojmë një gamë të gjerë monedhash/metodash pagimi dhe të jemi në pajtim me PCI në krejt vendet prej nga pranojmë dhurime. Kostot e transaksioneve që mund të zgjidhni për të mbuluar bazohen në një vlerësim të kostove tona në përgjithësi. Për shkak të mjaft faktorëve kostot faktike mund të jenë të larmishme.

Kur bëhet një dhuratë një here, përmes debitimi të drejtpërdrejtë SEPA, mund të vini re një përmendje transaksionesh ripërsëritëse. Kjo ndodh ngaqë përpunuesi ynë i pagesave, Stripe-i, mbulon vetëm transaksione ripërsëritëse, për këtë lloj pagesash. Pavarësisht nga kjo, do t’ju faturojmë vetëm një herë dhe, pa autorizimin tuaj, s’do të bëjmë pagesa të tjera në llogarinë tuaj. Në vijim të mandatit, do të merrni një fatura zyrtare dhurimi, e cila do të pasqyrojë qartazi dhurimin një herësh.

Jo. Aktualisht nuk pranojmë dhurime në kriptomonedha.

Thunderbird-i është aplikacioni kryesues ndërplatformësh, me burim të hapët, për email dhe prodhimtari, që është falas për biznese dhe përdorim personal. Dhurata juaj do të na ndihmojë të garantohet që të mbetet i tillë dhe do të mbështetë zhvillimin e tij të vazhdueshëm.

MZLA Technologies Corporation është një nëndegë e Mozilla Foundation, në pronësi të plotë dhe fitimprurëse dhe shtëpia e Thinderbird-it.

Aktualisht, gati 100% e të ardhurave për funksionimin e Thunderbird-it vijnë nga dhurata bujare prej përdoruesish të tij.