La libertad da s'organisar
Perda damain temp cun tschertgar tes tabs en il navigatur.
Acceda a tut tes messadis, chalenders e contacts en ina app svelta. Filtrescha ed organisescha tenor tes gust. Administrescha tut ils contos separadamain u en ina chascha da posta entrada communabla. Cun Thunderbird è bler simplamain pli simpel.
La libertad da betg vegnir manipulà
Nus n'avain naginas intenziuns zuppadas. Nus vulain meglierar il mund.
Thunderbird vegn finanzià cun donaziuns dad utilisad*ras. Nus na rimnain ni datas persunalas, ni vendain nus reclamas en tia posta entrada, ni trenain nus zuppadamain in servetsch dad intelligenza artifiziala cun tias conversaziuns privatas. Thunderbird è open-source. Nus essan ina part da la famiglia da Mozilla e ti pos esser segir che nus dain la prioritad a la protecziun da tias datas ed a tia segirezza.
La libertad dad experimentar
Thunderbird è tes.
Thunderbird è survesaivel ed elegant en sia configuraziun predefinida, ma sa lascha adattar a moda simpla a tes workflow ed a tias preferenzas visualas. Il program è plain funcziuns unicas e pussantas. Qua in pèr funcziuns popularas:
La chascha communabla da posta entrada ma permetta da salvar la survista era en temp da stress. Jau na vegn mai pli a midar program dad e-mail!
La funcziun d'etichettas ma plascha. Jau dun ina etichetta a quai ch'è impurtant e chat uschia svelt puspè la rauba.
Igl è l'emprim program che jau installesch sin in PC ch'jau utilisesch u possed... Jau dovr il program sin Windows, Mac e Linux.
Dad avair ina alternativa open source per retschaiver ed administrar e-mails [...] è grondius per la protecziun da datas.
[Thunderbird] ma permetta da garantir che mes e-mails restan mes.
Igl è difficil da chattar in program dad e-mail che sa lascha extender ed adattar uschè ferm sco Thunderbird!
La libertad dad ir dapertut enturn
Voilà Thunderbird Mobile
La libertad ed il plaschair da Thunderbird ta stattan ussa dapertut a disposiziun. Cun Thunderbird Mobile vegnan tes messadis ils pli impurtants tramess e retschavids dad ina app segira open-source che respecta tia sfera privata.
