Fa ina donaziun

Dumondas en connex cun donaziuns? Consultescha las respostas frequentas sutvart. Sche ti dovras ulteriur agid cun tia donaziun, ans contactescha per plaschair via quest formular.
Vuls ti dar in resun davart il product? Visita Mozilla Connect.
Dovras ti agid cun in product u sustegn tecnic? Consultescha nossa rimnada da savida ed il forum d’agid da la communitad.

Acceda a las infurmaziuns davart tes abunament via il portal per donaziuns u via il buttun «Administrar mia donaziun» en l’e-mail da conferma da tia ultima donaziun. Ti pos midar l’import, la frequenza, la metoda da pajament e la data da debitaziun. Ti pos era annullar tia incumbensa permanenta e telechargiar tias quittanzas.

L’entir support tecnic da Thunderbird sa basa sin la communitad e stat a disposiziun ad ina e scadin. Visita noss forum da support. Nus na purschain betg support tecnic sco recumpensa per donaziuns en daners.

Ti vegns a retschaiver ina conferma via e-mail mintga giada che ti fas ina donaziun. L’e-mail vegn a cuntegnair ina quittanza per tia documentaziun. Ti pos era acceder da tut temp a la cronologia da tias quittanzas en noss portal per donaziuns.

Donaziuns en favur da Thunderbird n’èn betg deduciblas da la taglia sco donaziuns caritativas, ma ellas èn fitg bainvisas!
Donaziuns a Thunderbird sustegnan il svilup dad apps open-source segiras, discretas e disponiblas per nossas utilisadras e noss utilisaders da l’entir mund. Tes sustegn garantescha era che nossas apps principalas restan gratuitas per tuttas e tuts.

Nus chapin che tia sfera privata è fitg impurtanta – nus essan dal medem avis e quai è ina da nossas valurs centralas tar Thunderbird e Mozilla. Tia adressa fa part da noss process da pajament, sco era da las infurmaziuns da contact e da donaziuns che nus descrivain en nossas directivas per la protecziun da datas. Questas datas vegnan utilisadas per elavurar il pajament, per quittanzas da transacziun, per scuvrir engions e per intents d’archivaziun. Sche ti vuls vegnir a savair dapli davart las datas persunalas che nus retschavain, las terzas partidas da las qualas nus ans fidain, e quant ditg che nus preservain tias datas, consultescha per plaschair nossa decleraziun da protecziun da datas en connex cun websites, communicaziuns e cookies.

Per vegnir a savair co persunalisar tia pagina iniziala, visita per plaschair:
https://support.mozilla.org/kb/how-disable-or-change-thunderbird-start-page

Sche ti fas ina donaziun cun agid da noss formular online, activescha simplamain la chaschella da controlla «Donar sco organisaziun» ed inditgescha il num da tia interpresa. La quittanza da tia transacziun vegn a cuntegnair il num da tia fatschenta. Sche ti dovras ina copia da tia quittanza, la telechargia da noss portal per donaziuns.

Gea, nus utilisain la tecnologia da standard SSL per proteger tias infurmaziuns. Nus collavurain cun Stripe, il purschider da servetschs da pajament etablì, dal qual intginas da las pli grondas interpresas mundialas sa fidan. Tias datas finanzialas confidenzialas na vesan mai noss servers. Nus tramettain tut las datas directamain via SSL als servers da Stripe che correspundan al standard PCI. Nus savain bain che tia sfera privata è fitg impurtanta. Per infurmaziuns detagliadas, consultescha per plaschair las directivas per la protecziun da datas da Mozilla.

Tia donaziun po eventualmain vegnir restituida. Ti stos ans contactar entaifer 15 dis suenter la data da pajament. Sche ti crais che quest pajament saja succedì senza tia autorisaziun, ans contactescha per plaschair immediatamain. Donaziuns via debitaziun directa ACH u SEPA na pon betg vegnir restituidas. Natiralmain han nossas directivas la finamira da reducir l’engion tras restituziuns ad in minimum. Grazia per tia chapientscha. Sche ti dovras agid, ans contactescha per plaschair.

Nus n’incassain naginas taxas u taglias supplementaras. Sche ti fas ina donaziun en tia valuta locala, na vegnan debitadas naginas taxas da conversiun da tia carta da credit. Ti pos tscherner dad era pajar ils custs da transacziun che resultan dal process da pajament. Quai è dal tuttafatg voluntar. Ti pos far quai u laschar, cun activar u deactivar la chaschetta da controlla en noss formular da donaziun. Nossa organisaziun ha sia sedia en ils Stadis Unids. Nus supplitgain noss fauturs da retschertgar sch’i dat eventualas taglias u taxas externas che vegnan imponidas da regulaturs sco bancas u autoritads da taglia.

Sche ti tschernas da surpigliar era noss custs da transacziun dal pajament, pajas ti tant l’elavuraziun dal pajament, sco era las taxas da la plattafurma da donaziuns. La finanziaziun da noss sistem da donaziuns cumprovà ans permetta da crescher a moda persistenta, en relaziun cun il dumber da donaturs. Nossa plattafurma da donaziuns ed ils partenaris che elavureschan ils pajaments gidan d’evitar custs interns che la creaziun ed il mantegniment dad in agen sistem chaschunass. Noss partenaris garanteschan che nus pudain acceptar numerusas valutas e metodas da pajament e pudain a medem mument correspunder al standard PCI en tut ils pajais en ils quals nus acceptain donaziuns. Ils custs da transacziun che ti pos surpigliar, sa basan sin ina stimaziun dals custs cumplessivs. Ils custs effectivs pon variar pervia da differents facturs.

Cun far ina donaziun unica via debitaziun directa SEPA, fas ti forsa stim ch’i vegnan menziunadas transacziuns periodicas. Il motiv è che noss sistem da pajament Stripe sustegna mo transacziuns periodicas per quest tip da pajament. Independentamain da questa limitaziun debitain nus mo ina giada la summa e nus na faschain nagins ulteriurs pajaments cun tes conto senza tia autorisaziun. Suenter avair dà l’incumbensa, survegns ti ina quittanza uffiziala per la donaziun che mussa cleramain ch’i sa tracta dad ina donaziun unica.

Na. Nus n'acceptain per il mument naginas donaziuns en criptomunaidas.

Thunderbird è il pli impurtant program open-source dad e-mail e productivitad ch’è liber e gratuit tant per interpresas sco era per privats. Tia donaziun ans gida a garantir che quai resta uschia e sustegna il svilup cuntinuant.

MZLA Technologies Corporation è ina succursala orientada al profit che appartegna per tschient pertschient a la Mozilla Foundation, il dachasa da Thunderbird.

Actualmain derivan bunamain 100% da las entradas da manaschi da Thunderbird da donaziuns generusas dad utilisadras ed utilisaders da Thunderbird.