Funcziuns principalas
Las novas superforzas per tia productivitad.
Sustegn da plirs contos
Gestiunescha tut tias adressas dad e-mail en in lieu.
Tut tes contos dad e-mail han in dachasa en Thunderbird. Administrescha ils contos separadamain u en ina chascha da posta entrada unida. La retschertga e l’organisaziun daventan simplas. Di adia a tut quels tabs en il navigatur!
Diever senza reclama
Gratuit senza restricziuns.
Nus na faschain betg raps cun leger tes e-mails. Nus na tapezain betg tia chascha da posta entrada cun reclamas. Giauda in’interfatscha schubra, libra da reclamas ed explotaziun da datas.
Legia nossas directivas per la protecziun da datasSustegn da pliras plattafurmas
Tes e-mails duessan funcziunar dapertut.
Evitescha che ti vegnias enserrà en in ecosistem. Utilisescha il sistem operativ che ta plascha, mida cura ch’i para e plai e giauda la medema experientscha da l’applicaziun desktop.
Mussar tut las versiuns disponiblas
Chalender, contacts ed incumbensas
Perquai che e-mail è mo ina part da l’esser productiv.
Thunderbird ta gida ad administrar tes termins, tes contacts e tias incumbensas. Resta organisà, productiv e connectà en in lieu.
Dapli segirezza e protecziun da datas
Sajas segir e hajas la controlla – automaticamain.
Thunderbird è open-source. Ses code è vegnì repassà e meglierà durant 20 onns. La transparenza ans renda responsabels e ta protegia.
Vesair il code da funtauna
Adina liber, gratuit ed avert
Thunderbird è in regal da persunas sco tai.
Millis han contribuì temp e daners per pussibilitar Thunderbird. Ses code è open-source e sia licenza permetta d’al utilisar, modifitgar e cundivider. Thunderbird n’è betg mo gratuit, il program ta liberescha.
Scuvra nossa missiunEcosistem da terzas partidas
Quai che ti pos far cun Thunderbird n’è betg limità a quai che ti pos far cun nus.
Scuvra ils supplements da Thunderbird
Resursas gidaivlas
Rinforza tias cumpetenzas da Thunderbird.
Emprims pass
Quasi mintgin po gidar a meglierar Thunderbird ed al render pli accessibel per autras persunas. Ve a savair tge pussaivladads ch’i dat. Chatta las opziuns per contribuir al project:
Co participarParter ideas
Sche sviluppadras, designers ed utilisaders lavuran ensemen, capitan chaussas mirvegliusas. Parta tias ideas per meglierar Thunderbird.
Mozilla ConnectChattar agid
Emprenda ad utilisar Thunderbird e fa tias dumondas. Persunas da l’entir mund che contribueschan a Thunderbird lavuran per ta porscher ina experientscha optimala.
Website d’agid