Om oss

Møt Thunderbird

Thunderbird er eit gratis og ope kjeldekode-programvareprosjekt grunnlagt i 2003 for å gjere kommunikasjon og samarbeid betre. Vi blir støtta av talentet og generøsiteten til tusenvis av individ og ein del av Mozilla-familien. Vesentlege verdiar rettleiar oss og gjer arbeidet vårt relevant. Les vidare for å lære meir.

Verdiar

Fellesskap

Organisasjon

Oppdraget vårt

Styrt av verdiar

Personvern

Du er ikkje produktet.

For oss er dataeigarskap og personvern din rett same kvar du bur. Forpliktinga vår til dine personlege data er enkel:

Vi samlar eller lagrar det ikkje med mindre du ber oss om det.
Vi legg stor vekt på å verne han mot misbruk.
Vi vil aldri selje han.
Du beheld eigarskap og kontroll over det.

Les personvernerklæringa

Fridom

Thunderbird høyrer til deg (og verda).

Thunderbird er gratis programvare med open kjeldekode, noko som betyr at koden er tilgjengeleg for å sjå, endre, bruke og dele fritt. Lisensen sikrar også at han held fram med å vere gratis for alltid. Du kan tenkje på Thunderbird som ei gåve frå tusenvis av bidragsytarar til deg.

Lær om MPL 2.0

Røyst

Du er ein del av framtida til Thunderbird.

Thunderbird er fri for kommersielle krav og insentiv som ofte styrer programvareutvikling. Kven som helst kan bli involvert i å gjere Thunderbird betre og tilgjengeleg for fleire menneske. Eit bidragsytarvalt råd sikrar at Thunderbird held fram med å vere tru mot verdiane og oppdraget sitt.

Driven av fellesskapet

Kven som helst kan bidra til å gjere Thunderbird betre. Programmerarar kan bidra med funksjonar dei brenn for eller forbetre den eksisterande koden. Dei som er fleirspråklege kan gjere Thunderbird tilgjengeleg for alle. Dei som er villige kan teste nye versjonar av Thunderbird og dokumentere problem. Det er mange måtar å bli ein del av eit blomstrande fellesskap som gjer Thunderbird unik. Og viss du ikkje har tid til å vere frivillig, kan du vere med å støtte arbeidet vårt med eit økonomisk bidrag.

Les om korleis du kan vere med

Ein del av Mozilla-familien

Thunderbird opererer i eit eige, for-profit dotterselskap av Mozilla Foundation. Denne strukturen gir oss fleksibiliteten til å tilby valfrie betalte tenester for å halde oppe Thunderbirds utvikling langt inn i framtida.

Vi har eit veksande team av dyktige medarbeidarar som utviklar og held ved like Thunderbird, samarbeider med fellesskapet vårt og partnarar og jobbar for å levere Thunderbird til brukarar over heile verda.